Superenkle, gode og sunne rundstykker!

Sånne her hadde vi til frokost i går :-) Var ute og reiste forrige helg, og då måtte eg jo kjøpe meg eit blad :-) Vart det danske "Bolig Liv", mykje fint inni der :-) både ting og tang og mat...

Og dei rundstykka her var utruleg praktiske, enkle og gode! (og sunne!) Ein lagar dei om kvelden, og så hevar dei i kjøleskapet om natta, og så tar ein dei ut av kjøleskapet og puttar dei i ovnen, og så ferske rundstykker til frokost! :-)

Så her kjem oppskrifta :-) Veit ikkje om det er heilt lov, men den er jo oversatt til norsk...og litt forandra på oppskrifta, sidan eg ikkje fekk tak i alt...men i alle fall...

GROVE RUNDSTYKKER

12 stk

25 g gjær

2 dl vatn

1 dl skumma kulturmelk

2 ss olje

1 1/2 ts salt

125 g grovt rugmjøl

300 g fullkornskveitemjøl

1 egg til pensling

gresskarkjerner, sesamfrø eller noko anna til å strø på..

1. Rør gjæren ut i vatnet. Tilsett det andre.

2. Elt deigen til den er smidig, og bak ut med ein gong :-)

3.La rundstykka heve i kjøleskapet over natta, dekka med plast.

4. Om morgonen; pensle rundstykka med egg, og strø på frø. Steik i ca. 15 min på 225 grader.

(eg lot dei stå litt på kjøkkenbenken før eg steikte dei, for det hadde visst blitt litt kaldt i kjøleskapet...)

Dei her skal i alle fall eg lage til 17.mai frokosten :-) Til og med ungane likte dei (og dei et ikkje alt...) så lenge eg hugsar å lage nokre utan noko på toppen ;-) "Æ like ikke sånne me steina i ..."