Trekk til leikematte

Hadde ei sånn lite pen puslespel-matte av skumgummi (eller noko sånt), så sydde trekk til den, og så vart den mykje finare :-) Stoff frå Stoff & stil, brun bomull med kvite blomster.

Øyredobbar

Laga eit par øyredobbar i kveld. Dei er trekt med silke. Synst dei vart ganske fine :-)

Reste-bukse..

Nora har fått seg ny dongeribukse, sydd av restestoff, kanta med raudt/rosa stoff på lommene og på beina nede. Mønsteret er eit ottobre-mønster som eg har forandra litt på. Strikk i livet, og snøring nede på beina.

Legoposar

2 stk legoposar klare for sending :-) Sydd på bestilling, ein med turkis kanteband rundt og ein med gult. Synst dei vart ganske friske og fine :-) (fargane vart ikkje heilt som dei skulle på bildet..)

Voksejakke

Magnus har fått seg strikkajakke. Mønsteret er voksejakke frå Nøstebarn, str. 0-1 år. Kan komme godt med no som hausten plutseleg kom...

Småtroll..

Sydde ei sparkebukse til Magnus for ei stund sidan. Vart ikkje heilt fornøgd, den vart litt trang i beina...men, men veit no kva som må forandrast på til neste gong.. Sydde ei ganske lik ei i mindre størrelse og ga vekk og, håpar den vart bedre passform på.

Stoffet er i alle fall frotte med troll på, frå cetho designs, og mønsteret er vel mitt eige.

Vognpose

Nora blir straks 3 år, og eg har fått tak i ei simo dukkevogn frå 1971 som ho har fått, og då måtte ho jo få ein vognpose til dukka og :-) Posen er sydd av lilla kordfløyel utanpå, og blomstra bomullsstoff inni, glidelåsar i sidene, trykknappar øverst på "lokket" og eit symerke på... Har sydd etter ein vognpose frå 1981 som eg brukte når eg var liten, og som Magnus skal bruke i vinter. Så no får dukka til Nora lik pose som lillebroren :-)



Her er originalen..

Gardiner til køysenga

Har omsider fått sydd gardiner til køysenga til Andreas, så no har det blitt ei lita hole under der :-) Stoff frå IKEA.

Redesigna sparkebukse

Magnus har fått seg ei knallgrøn sparkebukse, sydd av ein velour-kjole som eg fann på fretex ein gong...Den er skikkeleg mjuk og god :-) konvolutt-opning i halsen, og trykknappar på innsida av beina. Mønster er frå Ottobre, men eg har forandra litt på det..
Fargen vart litt snål på det nederste bildet, men ser no i alle fall korleis buksa ser ut.

Legoposar

Har sydd 2 stk legoposar på bestilling. Dongeri kanta med turkise skråband, og så fann eg nokre nye fine maljer på biltema :-) Synst dei vart ganske mykje finare enn dei eg har brukt før :-)

Mei tai med sjalstroppar

Rett før ferien sydde eg ein mei tai med sjalstroppar. Den er sydd i lin, og har dongeri på baksida av panelet. Har laga mønster sjølv, men har funne inspirasjon på tettinntil.no. Synst den vart veldig god å bruke, og Magnus sov stort sett heile tida når han er oppi der :-) Her er vi på tur til stølen, elles har den blitt brukt mykje i ferien, både på fjell og i by..


Gjekk an å bruke som teppe og :-)

Sommarbukse

Nora har fått seg sommarbukse :-) Vart akkurat ferdig før vi reiste på ferie.. Er sydd av eit retro dynetrekk, og etter mønster frå Stoff & Stil (som er litt forandra på). Litt hastverksarbeid sidan eg måtte bli ferdig i full fart, men synst den vart bra :-) trur Nora likte den og...

Legoposar

Fekk bestilling på 4 stk legoposar. Dongeri, kanta med mørkeblått skråband, og med raud snor i.

Veske

Veske sydd på bestilling. Ho som skal ha den ville helst ha heile veska i det stoffet på toppen, men det hadde eg ikkje nok til.. Men eg synst det vart fint å gjere det sånn som det her :-) hanken og sjølve veska er i dongeri, og det stoffet oppe er ein rest av nokre retro gardiner. Mønsteret er mitt eige. Eg synst veska vart skikkeleg fin, nesten synd at eg skal selge den..men kan jo alltids sy ei til meg sjølv og ;-)

T-skjorte

Nora og Andreas ville gjerne ha fleire t-skjorter :-) og fekk velge i stoffa mine. Nora ville ha orange husvognstoff frå cethodesigns.no, og Andreas ville ha pingvinar frå stoff & stil, så då vart det det :-) Same mønsteret som eg har brukt før, frå Ottobre. Fekk ikkje tatt actionbilder før dei vart tatt i bruk..håpar at flekkane med blåbærsylte går vekk i vask...

Hue til Magnus

Sydde ei hue til Magnus av restestoff, Var litt usikker på størrelsen på mønsteret eg hadde liggande, så den vart litt stor... må nok vente eit par mnd med å bruke den...

Ugler og ubåtar..

Har sydd t-skjorter til Andreas og Nora. Stoff frå cethodesigns.no, og mønster frå ottobre.
Var 2 stk som var ganske fornøgde med dei nye t-skjortene sine :-)

Slynge

Har sydd ei slynge i lin. Kjennes veldig god ut å ha på, så vi kjem nok til å bruke den litt :-) veldig kjapt og greit, når ein berre skal bere litt, og det er greit å ha hendene fri :-) Var fornøgd han som var oppi og :-)

Sparkebukse med ubåtar til Magnus

Sparkebukse i ca str 56-62 trur eg, 2 sett med knappar på selane, så eg trur den kan vare ei stund. Mønster er frå "barnetøy du selv kan sy", og så har eg forandra litt på det... stoffet er frå cethodesigns.no, og brun ribb frå stoff & stil. Vart ganske fornøgd med den her, eit par småting eg vil forandre på til neste gong. Men buksa vart veldig mjuk og god å bevege seg i :-)
gjeeeesp...

Magnus

Her er Magnus, født 23/5. 4150 gram og 53 cm. Og heilt heimelaga ;-) Her ligg han i vogga 2 dagar gammal, og vi er akkurat kommt heim frå sjukehuset. Han har på seg hentesettet som eg strikka, og det blå teppet er det mamma som har strikka til han.
Her er hentesettet på, hadde visst ingen bra bilder med hua på. Er kanskje fordi den var litt lita...så eg må strikke ei ny...