Vognpose til vår, sommar og haust...

Har lenge hatt planar om å sy ein pose til vår/sommar/haust, og no vart det plutseleg veldig varmt og fint :-) og då vart jo vinterposen veldig varm...

Så den her posen vart sydd i lin innerst, og svart dongeri ytterst og fora med ullvatt. Delbare glidelåsar i sidene, sånn at ein kan ta av toppen. Ein veldig lett og fin pose, som samtidig er varm nok sidan den er fora med ull :-)

Har laga den litt smalare øverst, sånn at det ikkje skal vere så lett for ein liten akrobat å lure foten over kanten ;-)

Posen i vogna. Overdelen går høgt opp når den er bretta heilt opp. Hemper i kanten oppe, som kan festast i knappar i sidene, sånn at ein kan velge å brette kanten opp eller ned.

Ein fornøgd lite kar :-)

Ein som er nesten klar for å sove. Litt rare fargar på bildet, men, men... Var utruleg vanskeleg å få til bra fargar med den lyseblå linen og svart dongeri...

Om ein tar av toppen, kan ein ha underdelen berre som sitteunderlag for å beskytte vogna.

Hol til 5-punktssele. Underdelen er laga smalare enn toppen, sånn at den skal passe bra i vogna om ein berre skal bruke den. (litt krøllete i sidene på bildet her, sidan den har blitt brukt litt før eg fekk somla meg til å ta bilder...)

Materiale:

-Lin (mjuk, god og sval) - lys petrol

-Dongeri (tåler litt) - svart

-Ullvatt (varmt og godt, men ikkje for varmt når det er varmt)

-2 stk glidelåsar - kvite

Mønster:

Eige

Størrelse:

Botn: Ca. 95 x 40 cm

Topp: Ca. 80 x 50 cm